როგორც Marvel-ის ფანებისთვის არის ცნობილი, კომპანია "თორის" ახალ ნაწილშე მუშაობს. თუმცა, მაყურებლების მოლოდინი მეტად გამძაფრდა მას შემდეგ, რაც "თორის" ახალმა ვარსკვლავმა, ტესა ტომპსონმა დაადასტურა, რომ Thor: Love and Thunder-ში მთავარი ბოროტმოქმედის როლს კრისტიან ბეილი შეასრულებს.
ამ დროისათვის უცნობია, თუ კერძოდ რომელი ანტიგმირის როლში ვიხილავთ კრისტიან ბეილს. თუმცა, ხშირ შემთხვევაში Marvel-ის რეჟისორები კომიქსის სიუჟეტს ზუსტად არ მიჰყვებიან და იმპროვიზაციას მიმართავენ. სწორედ ამიტომ, შესაძლოა ბეილის პერსონაჟი ერთი კონკრეტული Marvel-ის კომიქსების პერსონაჟი სულაც არ იყოს.
ამასთან, გაცნობებთ, რომ Thor: Love and Thunder-ში მთავარ როლში ვიხილავთ ნატალი პორტმანსაც, რომელიც სავარაუდოდ თორის ადგილს დაიკავებს და ქალღმერთად მოგვევლინება.
ფილმის პრემიერა 2021 წლის ნოემბრის თვეში იგეგმება.