ოსტატების რეესტრში ჩარიცხვის მსურველებთან გასაუბრება მიმდინარეობს საქართველოს კულტური, სპორტისა და ახალგაზრდობის სამინისტროში.
არქიტექტორ-რესტავრატორებით დაკომპლექტებული სპეციალური კომისია 50-მდე პრაქტიკოს ოსტატს გაესაუბრა. შედეგად კომისია ძეგლთა დაცვის სისტემაში დასაქმების რეკომენდაციას გასცემს, ან დასაქმებამდე კვალიფიკაციის ამაღლების შესახებ მიუთითებს.
კვალიფიკაციის ამაღლების კურსებს (თეორიულ-პრაქტიკული წვრთნები) სამინისტრო უზრუნველყოფს.
რეესტრში აღრიცხული ოსტატები დამატებით პრაქტიკულ გამოცდილებას მიიღებენ და ერთწლიანი პერიოდის წარმატებით დასრულების შემთხვევაში - სერტიფიკატს.
სამინისტროში აცხადებენ, რომ მათი მიზანი 2022 წლის 1-ლი მაისიდან კულტურული მემკვიდრეობის ძეგლებზე მუშაობის უფლება მხოლოდ სერტიფიცირებულ სპეციალისტებს მიეცეთ, რომლებსაც ექნებათ დადასტურებული პროფესიული უნარები.
