Wham-ის ლეგენდარული საშობაო ჰიტი Last Christmas გამოშვებიდან 36 წლის შემდეგ პირველად, დიდი ბრიტანეთის ჩარტების პირველ ადგილზეა.
1984 წელს ჯორჯ მაიკლისა და ენდრიუ რაიდლის მიერ ჩაწერილი სიმღერა გასული კვირის განმავლობაში 9,2 მილიონჯერ მოისმინეს. ამ შედეგით მან გადაასწრო LadBaby's-ის სიმღერას Don't Stop Me Eating და რეიტინგში ლიდერის პოზიცია დაიკავა.
ჯორჯ მაიკლის ოჯახმა განაცხადა, რომ ბედნიერები არიან ამ სიახლით "მით უმეტეს, წელიწადის ამ დროს, რომელიც ჯორჯისთვის განსაკუთრებულად საყვარელი იყო".
