კინო კომპანია Marvel Studios "კაპიტანი ამერიკას" მეოთხე ნაწილს გამოუშვებს, თუმცა ფილმში მთავარ როლს კრის ევანსის ნაცვლად, ენტონი მაკი შეასრულებს. ამის შესახებ გამოცემა The Hollywood Reporter წერს.
სცენარის ავტორები მალკოლმ სპელმანი და დალან მონსონი იქნებიან, რომლებმაც ახლახან დაასრულეს მუშაობა სერიალზე The Falcon and the Winter Soldier.
გამოცემის თანახმად, დიდი ალბათობით, ახალ ფილმში სუპერგმირის, სემ ვილსონის ისტორია გაგრძელდება.
ამავე დროს, არ არის გამორიცხული, რომ ფილმში კაპიტანი ამერიკას როლის შემსრულებელი კრის ევანსიც დაბრუნდეს.
