"ოსკარის", "ემის" და "ოქროს გლობუსის" მფლობელი ამერიკელი მსახიობი კლორის ლიჩმენი 94 წლის ასაკში გარდაიცვალა. ამის შესახებ მსახიობის მენეჯერმა განაცხადა.
მისივე თქმით, მსახიობი საკუთარ სახლში კალიფორნიაში გარდაიცვალა. აღინიშნა, რომ ის ბუნებრივი სიკვდილით დაიღუპა.
"ოსკარის" კინოაკადემიის წარმომადგენლებმა მსახიობის გარდაცვალებასთან დაკავშირებით მწუხარება გამოთქვეს.
"კლორის ლიჩმენი კომედიის ლეგენდა იყო. მას არასოდეს შეუწყვეტია ჩვენი აღფრთოვანება და გაოცება", - განაცხადეს აკადემიაში.
Cloris Leachman was a comedy legend. From a groundbreaking role on "The Mary Tyler Moore Show" to the films of Mel Brooks and her Oscar-winning turn in Peter Bogdanovich's "The Last Picture Show," she never lost her ability to shock, delight and surprise us. She will be missed. pic.twitter.com/tcyfF1uzWj
— The Academy (@TheAcademy) January 27, 2021
კლორის ლიჩმენმა 50-ზე მეტ ფილმში ითამაშა. ნამუშევრებისთვის მიღებული აქვს მრავალი ჯილდო. მათ შორის არის "ოსკარი" საუკეთესო მეორეხარისხოვანი მსახიობი ქალისთვის ფილმში "უკანასკნელი კინოსეანსი". მას მოპოვებული აქვს "ემის" ცხრა პრემია და "ოქროს გლობუსი".