ნიდერლანდებში Pinkpop-ის რიგით 51-ე ფესტივალი 2022 წლის ივნისამდე გადადეს. ინფორმაციას ამის შესახებ ღონისძიების ორგანიზატორებზე დაყრდნობით გამოცემა The Brussels Times ავრცელებს.
ყოველწლიური საზაფხულო ფესტივალი, რომელიც 2021 წლის 18, 19 და 20 ივნისს ნიდერლანდების ლანდგრაფის მუნიციპალიტეტში იყო დაგეგმილი, 2022 წლამდე გადაიდო. მიზეზი კორონავირუსის გავრცელებაა, რომლის პრევენციის მიზნით მკაცრი შეზღუდვებია დაწესებული.
”ამ სამწუხარო გადაწყვეტილების მიღება მოგვიწია, აღარ გვინდა ჩვენი ვიზიტორების, გუნდის, არტისტების და მომწოდებლების გუნდის გაურკვევლობაში დატოვება”, - განაცხადეს ორგანიზატორებმა ოფიციალურ განცხადებაში.
