ტრადიციულად, ლოს-ანჯელესში ოსკარების დაჯილდოების წინა დღეს, წლის ყველაზე ცუდი ფილმები დაასახელეს. ამის შესახებ გამოცემა Hollywood Reporter წერს.
წლის ყველაზე ცუდი კინო ნამუშევრის კატეგორიაში ფილმმა Absolute Proof-მა გაიმარჯვა, რომელიც 2020 წლის აშშ-ის საპრეზიდენტო არჩევნების მიმდინარეობისას ჩინეთის კიბერშეტევის შესახებ მოგვითხრობს.
ყველაზე ცუდი მსახიობი მამაკაცის ტიტული მაიკ ლინდელმა მოიპოვა, ხოლო, წლის ყველაზე ცუდ მსახიობ ქალად ქეით ჰადსონი დასახელდა.
ყველაზე ცუდი რეჟისორის წოდება კი მომღერალ Sia-ს მიენიჭა, თავისი სადებიუტო ნაშრომისათვის.
ყველაზე ცუდი სცენარის კატეგორიაში "ოქროს ჟოლო" პოლონურ ეროტიკულ ფილმს "365 დღეს" გადაეცა.
