ფრანგი კინორეჟისორი და სცენარისტი ბერტრან ტავერნიე 79 წლის ასაკში გარდაიცვალა. ინფორმაციას ამის შესახებ La Croix ავრცელებს.
”მეუღლე სარა, შვილები ნილსი და ტიფანი, შვილიშვილები, ლუმიერის ინსტიტუტი და ტიერი ფრემო მწუხარებით და ტკივილით იუწყებიან, რომ ბერტრან ტავერნიე გარდაიცვალა”, - ნათქვამია ლუმიერის ინსტიტუტის განცხადებაში.
ტავერნიეს კარიერაში ყველაზე დიდ წარმატებად 1986 წლის ფილმი "შუაღამის ჯაზი" ითვლება, რომელშიც მთავარ როლს დექსტერ გორდონი ასრულებს. ამ ფილმისთვის მან "ოსკარი" მიიღო.
კარიერის განმავლობაში რეჟისორს გადაღებული აქვს ოცდაათამდე ფილმი, მათ შორის "ცოცხალი რეპორტაჟი სიკვდილის შესახებ", "უნაკლო რეპუტაცია", "ცხოვრება და მეტი არაფერი".
ბერტრან ტავერნიე ლუმიერის ინსტიტუტის პრეზიდენტი იყო. ესაა ორგანიზაცია ლიონში, რომელიც მიზანი ფრანგული კინოს პოპულარიზაცია და შენარჩუნებაა.
