პოპულარული რუბიკის თავსატეხი მხატვრული ფილმის საფუძველი გახდა. Hyde Park Entertainment Group და Endeavor Content იწყებენ პროექტს, სადაც წარმოდგენილი იქნება რუბიკის კუბის გლობალურ კულტურულ ფენომენად გადაქცევის ვერსია.
"რუბიკის კუბი არის ოჯახის საკუთრებაში არსებული ბრენდი. Hyde Park-ის პარტნიორობით, ჩვენ ველით, რომ შევქმნათ ფილმი, სატელევიზიო და სათამაშო შოუები გლობალური აუდიტორიისთვის", - განაცხადეს ოფიციალურმა პირებმა.
შეგახსენებთ, რომ რუბიკის კუბიკი ერნო რუბიკმა 1974 წელს გამოიგონა და 1980 წელს სათამაშოების ლიცენზია მიიღო. დღეისათვის მსოფლიოში 450 მილიონზე მეტი თავსატეხი გაიყიდა.
პროექტის დაწყების ზუსტი დრო ჯერჯერობით უცნობია.
