აქ. ახლა TBC - თიბისისთან ერთად წარმოგიდგენთ მორიგ სესიას - ცნობილი პერუელი მწერალი, ნობელის პრემიის ლაურეატი - მარიო ვარგას ლიოსა. თიბისი ბანკის ინფორმაციით, 30 ივლისს, 20:00 საათზე, ყველა მსურველს საშუალება აქვს ვირტუალურად დაესწროს Live- სესიას თიბისის და საბას Facebook გვერდების დახმარებით. სესია ასევე ხელმისაწვდომი იქნება გამომცემლობა ,,ინტელექტის" და მწერალთა სახლის Facebook გვერდებზე.
სესია დიალოგის რეჟიმში ჩატარდება და მისი მოდერატორი მთარგმნელი - ლანა კალანდია იქნება. სესიის ფარგლებში მწერალი საკუთარი ბიოგრაფიისა და შემოქმედების საინტერესო დეტალებზე ისაუბრებს.
,,მარიო ვარგას ლიოსა სამხრეთ ამერიკელი მწერალი, ესეისტი, პოლიტიკოსი და ჟურნალისტია. 2010 წელს ნობელის პრემია „ძალაუფლების სტრუქტურის დეტალური აღწერისა და ამბოხებული, მებრძოლი და დამარცხებული ადამიანის ხატოვანი ასახვისათვის“ მიიღო“, - აღნიშნულია თიბისი ბანკის მიერ გავრცელებულ ინფორმაციაში.
