ამერიკელი ჰიპ-ჰოპ არტისტი სნუპ დოგი ჰოთ-დოგების გაყიდვას გეგმავს. ამის შესახებ გამოცემა Billboard წერს.
მუსიკოსმა გადაწყვიტა ჰოთ-დოგების ქსელი, სახელწოდებით Snoop Doggs, გახსნას. მისმა ადვოკატებმა სასაქონლო ნიშნის რეგისტრაციაზე განაცხადი უკვე გააკეთეს.
2015 წელს მან დააარსა კანაფის კომპანია Leafs By Snoop და ხუთი წლის შემდეგ გამოუშვა Indoggo Gin ალკოჰოლური სასმელების ხაზი. მას ასევე აქვს საკუთარი კულინარიული წიგნი. 2011 წელს რეპერს სურდა Snoop Doggs ნაყინის გამოშვება, მაგრამ ამ იდეაზე აური მალევე თქვა.
