სტრასბურგი ქართული ფილმების რეტროსპექტივას მასპინძლობს. ინიციატივა სტრასბურგის კინოთეატრ „ოდისეს“ (L’Odyssée) დირექტორს – ფარუკ გუნალთაის ეკუთვნის. ქართული ფილმების ჩვენებები სწორედ კინოთეატრ „ოდისეში“ გაიმართება.
4 მარტს ქართული ფილმების პროგრამას გახსნის ოთარ იოსელიანის ფილმი – „იყო შაშვი მგალობელი“. ფილმს აუდიტორიას თავად ოთარ იოსელიანი წარუდგენს, რომელიც სტრასბურგში სპეციალურად ამ ღონისძებისთვის ჩავიდა.
სტრასბურგში ასევე აჩვენებენ შემდეგ ქართულ ფილმებს:
7 მარტი – მიხეილ კობახიძის „ქოლგა“, „ქორწილი“, „მუსიკოსები“;
8 მარტი – ოთარ იოსელიანის „გიორგობისთვე“;
10 მარტი – ელდარ შენგელაიას „თეთრი ქარავანი“;
14 მარტი – ლანა ღოღობერიძის „რამდენიმე ინტერვიუ პირად საკითხებზე“;
15 მარტი – ნუცა ალექსი-მესხიშვილის „კრედიტის ლიმიტი“;
ეროვნულ კინოცენტრთან ერთად ღონისძიების პარტნიორია სტრასბურგის მერია და საქართველოს კინოაკადემია.