კულტურის სამინისტროს სააქტო დარბაზში ოთარ თაქთაქიშვილის სახელობის N19 ხელოვნების სკოლის აღსაზრდელთა ჩასაბერი საკრავების ორკესტრმა კონცერტი გამართა. მისი მიზანი სხვადასხვა თაობის მუსიკოსებს შორის შემოქმედებითი კავშირის დამყარება იყო.
კონცერტში მონაწილეობა მიიღო ხელოვნების სკოლის 25-მა აღსაზრდელმა და ბავშვთა ორკესტრის დირიჟორმა სერგო ტყაბლაძემ.
ღონისძიება მინისტრის თეა წულუკიანის ინიციატივით მოეწყო. მისი განცხადებით, მნიშვნელოვანია ბავშვთა ორკესტრის საქმიანობას გაეცნობოდნენ ევგენი მიქელაძის სახელობის საქართველოს ეროვნული სიმფონიური ორკესტრის სამხატვრო ხელმძღვანელი ნიკოლოზ რაჭველი და ორკესტრის წევრები.
თეა წულუკიანმა ნიკოლოზ რაჭველსა და ორკესტრის წევრებს მოუწოდა, მჭიდრო კონტაქტი დაამყარონ სახელოვნებო სკოლების აღსაზრდელებთან და მათ მასტერკლასები ჩაუტარონ.
