გასული 9 თვის განმავლობაში სექსუალური ხასიათის დანაშაულის ჩადენისთვის პასუხისგებაში 152 პირი მიეცა, მათგან 114 არასრულწლოვანის მიმართ ჩადენილი სექსუალური ხასიათის დანაშაულშია მხილებული. ამის შესახებ ინფორმაცია შინაგან საქმეთა სამინისტრომ გაავრცელა.
მათივე ინფორმაციით უწყებამ სექსუალური ხასიათის ჩამდენ პირთა მიმართ სასჯელის გამკაცრება გადაწყვიტა.
საკანონმდებლო ცვლილებების პაკეტით, სქესობრივი დანაშაულის ჩამდენ პირთა მიმართ სასჯელის გამკაცრება და მათთვის გარკვეული უფლებების ჩამორთმევაა გათვალისწინებული. არასრულწლოვანის გაუპატიურება კი უვადო თავისუფლების აღკვეთით დაისჯება.
შინაგან საქმეთა სამინისტროში აცხადებენ, რომ აღნიშნულ პროექტს საქართველოს პარლამენტმა პირველი მოსმენით უკვე დაუჭირა მხარი.
