ჟურნალისტი გიორგი კაპანაძე შინაგან საქმეთა სამინისტროში დაიბარეს. მისი ინფორმაციით, უწყებაში დღეს გავრცელებული წერილის გამო დაიბარეს.
“შსს-ში, გულუას ქუჩაზე დამიბარეს გამოკითხვაზე, დღეს, 20:30-ზე, ჩემს მიერ თამარ ბაჩალიაშვილის შესახებ გამოქვეყნებული პოსტის გამო, სადაც საუბარია იმ ჩანაწერზე, რომელიც მან სავარაუდოდ, გარდაცვალებამდე მცირე ხნის წინ გააკეთა და რომელიც მშობლების თანხმობით გამოვაქვეყნე" - წერს კაპანაძე.
ცნობისთვის, დღეს გიორგი კაპანაძემ ბაჩალიაშვილის საქმეში არსებული ერთ-ერთო ჩანაწერი გამოაქვეყნა.
"გამოძიებისთვის უცნობი ახალი ფაქტები მოვიპოვეთ თამარ ბაჩალიშვილის საქმიდან, რომელთაგან ამ ეტაპზე ჯერ მხოლოდ ერთს ვასაჯაროვებ,"- ამის სესახებ სოციალურ ქსელში ჟურნალისტი გიორგი კაპანაძე წერს.
“პირადად მე, უძლური ვარ მის წინაშე” - ეს არის თამარ ბაჩალიაშვილის ერთერთი ბოლო ფრაზა, რომელიც მან ფურცელზე დაწერა. აქვე წერია ციფრი - “15”...
ვის წინაშე ან რატომ იყო კიბერუსაფრთხოების სპეციალისტი უძლური?
რა ინფორმაცია ჩაუვარდა მას ხელში?"- წერს კაპანაძე.