ისნის საოლქო საარჩევნო კომისიის თავმჯდომარის, თედო გობეჯიშვილის გარდაცვალების ფაქტზე დაკავებულები, აკაკი ხუსკივაძე და აკაკი კობალაძე სასამართლო დარბაზიდან გაათავისუფლეს.
როგორც აკაკი კობალაძემ გათავისუფლების შემდეგ ჟურნალისტებთან განაცხადა, მოსამართლის დღევანდელი გადაწყვეტილება მოულოდნელი იყო.
„აბსოლუტურად უძლური იყო სამართლებრივად ის ბრალდება, რაც შეთხზეს, მიუხედავად ამისა, ძალიან გაკვირვებული ვარ, რომ დღეს ასე გადაწყდა და გამოგვიშვეს გირაოს შეფარდებით.
ჩემში სამართლისადმი იმედის ნაპერწკალმა გაიელვა, რომ შესაძლებელია ამ ქვეყანაშიც სამართლის მიღწევა“, - განაცხადა აკაკი კობალაძემ.
აკაკი ხუსკივაძესა და აკაკი კობალაძეს სასამართლომ 10 000-10 000 ლარიანი გირაო შეუფარდა.
შეგახსენებთ, სამართალდამცველებმა აკაკი ხუსკივაძე და აკაკი კობალაძე ქრთამის მიცემის, მუქარისა და იძულების ბრალდებით, თბილისში 7 ნოემბერს დააკავეს.
