ჩუმლაყში მომხდარ მკვლელობის საქმეზე დაკავებული ალექსანდრე ტურიაშვილი, რომელსაც გამოძიება დანაშაულის შეუტყობინებლობას ედავებოდა, სასამართლომ გირაოთი გაათავისუფლა. მას 3 000 ლარი გირაოს გადახდა დააკისრეს და საზღვრის გადაკვეთა, მოწმეებთან კონტაქტი და საცხოვრებელი ადგილის დატოვება აუკრძალეს.
დაკავებულის ადვოკატი ამბობს, რომ მისი დაცვის ქვეშ მყოფმა გამოძიებასთან ითანამშრომლა.
პატიმრობაში რჩება მკვლელობაში ბრალდებული ჯუანშერ ტურიაშვილი, მომხდარზე გამოძიება სსკ-ის 109-ე, 236-ე და 376-ე მუხლებით მიმდინარეობს.
