ჟურნალისტი გიორგი გაბუნია გენერალურ პროკურატურაში იკითხება. უწყების ცნობით გამოკითხვა ,,სამაუწყებლო კომპანია რუსთავი 2"-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიების ფარგლებში მიმდინარეობს.
გაბუნიას ადვოკატის, დიმიტრი საძაგლიშვილის განცხადებით, მოწმის სახით აქამდე გამოკითხული ყველა პირი დაავალდებულეს, რომ არ გაემჟღავნებინათ მათთვის ცნობილი ინფორმაცია. ასე მოხდა გიორგი გაბუნიას შემთხვევაშიც.
გამოკითხვის დასრულების შემდეგ ტელეწამყვანმა ჟურნალისტებთან განაცხადა, რომ ვერ იტყვის, თუ რა ტიპის კითხვები დაუსვეს. „საქმე შეეხება სხვადასხვა თანხებს“, - თქვა მან.
