"ქართული ოცნების" აქციაზე დაკავებულ გიორგი მუმლაძეს სასამართლომ 3000-ლარიანი გირაო შეუფარდა.
სამოქალაქო აქტივისტი პენიტენციურ დაწესებულებას დატოვებს, თუკი თანხის ნახევარს გადაიხდის.
თანხის შესაგროვებლად სოციალურ ქსელში კამპანია #მუმლიკასთვის დაიწყო.
შეგახსენებთ, პარტია "ქართული ოცნების" ოფისთან მიმდინარე აქციაზე, გიორგი მუმლაძე 15 აპრილს დააკავეს.
შსს-ს ცნობით, მუმლაძემ პოლიციის თანამშრომლებს, სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა.
გამოძიება სისხლის სამართლის კოდექსის 353-ე მუხლის 1-ლი ნაწილით მიმდინარეობს, რაც პოლიციის თანამშრომლებისთვის წინააღმდეგობის გაწევას გულისხმობს.
დანაშაული 2-დან 5 წლამდე ვადით თავისუფლების აღკვეთას ითვალისწინებს.
ცნობისთვის, გიორგი მუმლაძის დაკავებაზე გამოძიება სახელმწიფო ინსპექტორის სამსახურმა დაიწყო.
გიორგი მუმლაძეს ბრალი ოფიციალურად 15 აპრილს წაუყენეს.
