გოგი წულაიას ასმათ დვალიშვილი ისევ უჩივის.
როგორც გოგი წულაიას ადვოკატი განმარტავს, ასმათ დვალიშვილი შემაკავებელი ორდერის შემდეგ, ე.წ. დამცავი ორდერის გამოცემას ითხოვს.
დვალიშვილი, გოგი წულაიას ინტერნეტ აქტივობას ედავება. წულაია უარყოფს დვალიშვილისთვის "ფეისბუქზე" მეგობრობის თხოვნის გაგზავნას და მის ტელეფონზე შესაბამისი ექსპერტიზის ჩატარებას მოითხოვს.
"მედავება იმას, რომ მე ვითომ 16 დეკემბერს 7-ის ნახევარზე დილაუთენია გავუგზავნე დამეგობრება თუ მოწონება, რაღაც "ფეისბუქ" აქტივობა შევასრულე, რამაც თურმე იმოქმედა მის ფსიქოლოგიურ მდგომარეობაზე და მიმართა სასამართლოს.
გამოძიებას და პროკურორს ვეუბნები, ესაა ჩემი ტელეფონი, შეამოწმეთ - არის? უარესის ღირსი ვიქნები," - ამბობს გოგი წულაია.
წულაიას ადვოკატის თქმით, საქმე შეკერილია და გამოძიების დაწყების მოთხოვნით პროკურატურას უკვე მიმართა.
