ვაკის მეორე ოლქში ,,ქართული ოცნების” სიმბოლიკით და საარჩევნო ნომრის მქონე პირბადით მისვლის გამო პარლამენტის თავმჯდომარე კახა კუჭავას სიტყვიერი გაფრთხილება მისცეს და ადმინისტრაციული სახდელისგან გათავისუფლდა.
კახა კუჭავას ადვოკატის სალომე გულუას განმარტებით, კუჭავას მხრიდან აღნიშნული პირბადის გაკეთება მიზანმიმართული წინასაარჩევნო აგიტაციის ქმედება არ იყო და წესი მექანიკურად დაარღვია.
ცნობისთვის, 2 ოქტომბერს საარჩევნო უბანზე ხმის მისაცემად კახა კუჭავა "ქართული ოცნების" სიმბოლიკიანი პირბადით მივიდა. ცესკო-მ ამ თემაზე საია-ს სარჩელი 12 ოქტომბერს ზეპირი მოსმენით განიხილა და საქმე განსახილველად სასამართლოს გადაეგზავნა.
