"ლეიბორისტული პარტიის" წევრი ლაშა ჩხარტიშვილი დააკავეს.
Report.ge-ს ინფორმაციით, ლაშა ჩხარტიშვილი ალუბლების ქუჩაზე მიმდინარე მშენებლობას აპროტესტებდა, რა დროსაც, სამართალდამცველებთან სიტყვიერი შელაპარაკება მოუვიდა.
შინაგან საქმეთა სამინისტროში ჩხარტიშვილის დაკავების ფაქტს ადასტურებენ.
როგორც Report.ge-ს უწყებაში განუცხადეს, დაკავება ადმინისტრაციული წესით მოხდა.
გამოძიება 173-ე მუხლით დაიწყო, რაც პოლიციელის მოთხოვნისადმი დაუმორჩილებლობას გულისხმობს.