"ტრაგიკულია ის, რომ 16-17 წლის მოზარდი ეტრაბახება თანატოლებს, თუ როგორ დააყენებს მამამისი სისხლის გუბეებს გარეთ", - ამის შესახებ ფეხბურთელ გიორგი შაქარაშვილის ბიძამ, მირიან ნიკოლაძემ განაცხადა.
ის გლდანის ციხიდან გასაჯაროვებულ ვიდეომასალას გამოეხმაურა და თქვა, რომ ეს ჩანაწერები ადასტურებს, რომ ციხეში უსაფუძვლოდ არავინ ზის.
„ყველამ ნახეთ ჩანაწერები, ბუნებრივია, აქედან ნათელი გახდა, რომ ტყუილად არავინაა დაჭერილი, დაჭერილი არიან გიორგის მკვლელები. ეს ცალსახა გახდა, იგივე არასრულწლოვნის საუბრიდანაც, რომელიც ამბობს რომ შეეცადა, მაგრამ ვერაფრით შეძლო დაწყნარება, გაშველება თუ მსგავსი რამ. ანუ, მიუთითა პირდაპირ, რომ გიორგის სცემდნენ მისი თანხმლები პირები და შესაბამისად, მათ მოკლეს გიორგი. თქვენ, ასევე უსმინეთ რევაზიშვილის შიშებს რომ ჩანთაზე არ ამოსულიყო დნმ-ი. ყველაზე”,- განაცხადა ნიკოლაძემ.
