თავში

მიუღებელია პირადი ცხოვრების უფლებით დაცულ სფეროში ასეთი უხეში ჩარევა - სახალხო დამცველი

მიუღებელია პირადი ცხოვრების უფლებით დაცულ სფეროში ასეთი უხეში ჩარევა
მიუღებელია პირადი ცხოვრების უფლებით დაცულ სფეროში ასეთი უხეში ჩარევა - სახალხო დამცველი

სახალხო დამცველი მოუწოდებს საზოგადოებას, თავი შეიკავონ საჯარო სივრცეში პენიტენციური სამსახურის წარმომადგენლის მიმართ შეურაცხმყოფელი წარწერებისა და პოსტერების განთავსებისგან, რაც შესაძლოა, ახალისებდეს, მათ შორის, ბავშვის მიმართ ძალადობას, ბულინგს თუ სხვაგვარ ქმედებას, - ამის შესახებ სახალხო დამცველი ნინო ლომჯარია განცხადებას ავრცელებს.

სახალხო დამცველი მიუღებლად მიიჩნევს გამოძიების დასრულებამდე, მოხელის პირადი ცხოვრების უფლებით დაცულ სფეროში ასეთ მასობრივ და უხეშ ჩარევას, მით უფრო იმ პირობებში, როდესაც მედიასივრცეში გავრცელებული ინფორმაციის უტყუარობა დადასტურებული არ არის.

"როგორც საზოგადოებისთვის არის ცნობილი, პენიტენციური სამსახურის №18 სამკურნალო დაწესებულებაში გადაყვანის შემდეგ, საქართველოს მესამე პრეზიდენტმა მიხეილ სააკაშვილმა ეტაპირებისას, მის მიმართ შესაძლო სიტყვიერ შეურაცხყოფაზე მიუთითა. მოგვიანებით, მედიასაშუალებებმა გაავრცელეს ინფორმაცია ამ ქმედების შესაძლო განმახორციელებელი პირის შესახებ, რომელიც, მათივე ცნობით, პენიტენციური სამსახურის ერთ-ერთი მაღალჩინოსანია. შედეგად, იდენტიფიცირებული პირის მიმართ შეურაცხმყოფელი და მადისკრედიტირებელი წარწერები და პოსტერები გავრცელდა როგორც ღია საჯარო სივრცეში, აგრეთვე, მის საცხოვრებელ კორპუსში.

საგულისხმოა, რომ მოცემული ეტაპისთვის, სახელმწიფო ინსპექტორის სამსახურში მიმდინარეობს გამოძიება საქართველოს მესამე პრეზიდენტის მიმართ განხორციელებული შესაძლო არაადამიანური მოპყრობის ფაქტზე. აღნიშნულის გათვალისწინებით, სახალხო დამცველი მიუღებლად მიიჩნევს გამოძიების დასრულებამდე, მოხელის პირადი ცხოვრების უფლებით დაცულ სფეროში ასეთ მასობრივ და უხეშ ჩარევას, მით უფრო, იმ პირობებში, როდესაც მედიასივრცეში გავრცელებული ინფორმაციის უტყუარობა დადასტურებული არ არის. ამასთან, სახალხო დამცველი კიდევ ერთხელ უსვამს ხაზს გამოხატვის ადრესატის ოჯახში მცხოვრები არასრულწლოვნის ფსიქო-ემოციური მდგომარეობის დაცვის საჭიროებას და მისი საუკეთესო ინტერესის გათვალისწინებით, მოუწოდებს საზოგადოებას, თავი შეიკავონ საჯარო სივრცეში პენიტენციური სამსახურის წარმომადგენლის მიმართ შეურაცხმყოფელი წარწერებისა და პოსტერების განთავსებისგან, რაც, შესაძლოა, ახალისებდეს, მათ შორის, ბავშვის მიმართ ძალადობას, ბულინგს თუ სხვაგვარ ქმედებას", - აღნიშნულია სახალხო დამცველის განცხადებაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system