საქალაქო სასამართლოსთან მომხდარ ინციდენტში მონაწილე სამი პირი გამოკითხვაზე გადაიყვანეს, - ამის შესახებ report.ge-ს შინაგან საქმეთა სამინისტროში განუცხადეს. მათივე ინფორმაციით, დამატებით დეტალებს უწყება მოგვიანებით გაასაჯაროებს.
შეგახსენებთ, დღეს თბილისის საქალაქო სასამართლოსთან ტელეკომპანია „მთავარი არხის“ დამფუძნებელს, ნიკა გვარამიას უცნობი პირები დაუპირისპირდნენ.
როგორც ნიკა გვარამიამ ჟურნალისტებს განუცხადა, თავდასხმის შედეგად მან დაზიანება სახის არეში მიიღო.
მომხდარის მოტივი ამ ეტაპზე უცნობია.
ანტონ თათვიძე
ავტორი