ოჯახში ძალადობისთვის ბრალდებულს 1 წლითა და 3 თვით თავისუფლების აღკვეთა მიესაჯა. როგორც Report.ge-ს საქართველოს პროკურატურიდან აცნობეს, თელავის რაიონულმა სასამართლომ სრულად გაიზიარა წარდგენილი მტკიცებულებები და ბრალდებული გ.მ. დამნაშავედ ცნო.
„გამოკვლეული მტკიცებულებებით დადგინდა, რომ 2019 წლის 23 თებერვალს და 20 მარტს ქ.ახმეტაში, გ.მ-მ ფიზიკური შეურაცხყოფა მიაყენა მასთან არარეგისტრირებულ ქორწინებაში მყოფ - ლ.ნ-ს. გამოკვლეული მტკიცებულებებით ასევე დადგინდა, რომ გ.მ. 2017 წლის მაისიდან ლ.ნ-ს, არასრულწლოვანი შვილების თანდასწრებით, სისტემატურად აყენებდა სიტყვიერ შეურაცხყოფას“, - განაცხადეს პროკურატურაში.
სამართალდამცველებმა დანაშაულში ეჭვმიტანილი მიმდინარე წლის 25 მარტს ახმეტაში დააკავეს. მას ბრალდება საქართველოს სისხლის სამართლის კოდექსის 126-ე მუხლით წარედგინა.
