თანხების გაფლანგვის საქმეზე, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, დღეს მორიგი სასამართლო პროცესი გაიმართება.
სხდომა თბილისის საქალაქო სასამართლოში 11:00 საათზეა ჩანიშნული.
მიხეილ სააკაშვილის ადვოკატებისა და ოჯახის ინფორმაციით, ბრალდებული პროცესზე დასასწრებად მზად არის. როგორც ადვოკატები აღნიშნავენ, მიხეილ სააკაშვილის სასამართლო პროცესზე არ გადაყვანის საფუძველი არ არსებობს.
ცნობისთვის, თანხების გაფლანგვის საქმეზე მიხეილ სააკაშვილთან ერთად ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც. პროკურატურა ბრალდებულებს საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება
