პოლონეთის სასაზღვრო პოლიციამ საქართველოს მოქალაქე დააკავა. საქმე ეხება პოლონეთი-ბელარუსის საზღვრის უკანონოდ კვეთას.
ინფორმაციას "ტვიტერის" ოფიციალურ გვერდზე პოლონეთის სასაზღვრო სამსახური ავრცელებს.
"21 ნოემბერს პოლონეთი-ბელარუსის საზღვრის გადაკვეთის მცდელობის 346 ფაქტი დაფიქსირდა. სასაზღვრო სამსახურმა 58 პირს პოლონეთის ტერიტორია დაატოვებინა. საზღვრის უკანონო კვეთაში დახმარებისთვის სამი პირია დაკავებული, სირიის ორი და საქართველოს ერთი მოქალაქე", – ნათქვამია სასაზღვრო სამსახურის განცხადებაში.
