თავში

პროკურატურამ 12 პირს ბრალი წარუდგინა

პროკურატურამ 12 პირს ბრალი წარუდგინა
პროკურატურამ 12 პირს ბრალი წარუდგინა

საქართველოს პროკურატურამ ყალბი კოვიდ-პასპორტების და კორონავირუსის ლაბორატორიული კვლევის უარყოფითი შედეგების ამსახველი ყალბი ცნობების დამზადება-გამოყენების ფაქტებზე 12 პირს ბრალი წარუდგინა.

"ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ერთ-ერთმა ბრალდებულმა, თბილისში, კოვიდვაქცინაციის გარეშე საზღვარგარეთ გამსვლელი მგზავრებისთვის გათვალისწინებული სავალდებულო კარანტინისგან თავის არიდების მიზნით, მოქალაქეს ორი ყალბი ე.წ. კოვიდ-პასპორტი 140 ევროს სანაცვლოდ დაუმზადა, რომელშიც ყალბი მონაცემები შეიტანა. აღნიშნულის შემდეგ, ბრალდებულმა დოკუმენტები საქართველოს იუსტიციის სამინისტროს სსიპ იუსტიციის სახლის ყალბი, კუსტარულად დამზადებული სველი ბეჭდით დაამოწმა. ასევე, გამოძიებით დადგინდა, რომ იმერეთის რეგიონში, ბრალდებულებმა დაამზადეს ყალბი ცნობები და გადასცეს პირებს, რომლებმაც სახელმწიფო საზღვრის კვეთისას, კორონავირუსის გავრცელების რეგულაციებისთვის თავის არიდების მიზნით, შეიძინეს და გამოიყენეს თითქოსდა სამედიცინო დაწესებულებების სახელით გაცემული კორონავირუსის PCR ლაბორატორიული კვლევის უარყოფითი შედეგების ამსახველი ყალბი დოკუმენტები", - აღნიშნულია ინფორმაციაში.

პროკურატურის შუამდგომლობის საფუძველზე ბრალდებულებს აღკვეთი ღონისძიება უკვე შეეფარდათ.

სისხლის სამართლის საქმეზე გამოძიება გრძელდება.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system