თავში

პროკურატურამ კასპში მოკლული კაცის ცოლს ბრალდება წარუდგინა

პროკურატურამ კასპში მოკლული კაცის ცოლს ბრალდება წარუდგინა
პროკურატურამ კასპში მოკლული კაცის ცოლს ბრალდება წარუდგინა

საქართველოს პროკურატურამ, კასპში მომხდარი განზრახ მკვლელობის ფაქტზე, ქ. ჩ.-ს განსაკუთრებით მძიმე დანაშაულის დაფარვის მუხლით ბრალდება წარუდგინა. 

როგორც report.ge-ს პროკურატურიდან აცნობეს, შინაგან საქმეთა სამინისტროს მიერ ჩატარებული გამოძიებით დადგინდა, რომ 2021 წლის 13 მარტს, ზ.კ.-მ კასპში ქ.ჩ.-ს მეუღლე ნ.ღ. მათი საცხოვრებელი სახლიდან ავტომანქანით ,,ქეჩერუხის“ დასახლებასთან არსებული სასაფლაოს მიმდებარე ტერიტორიაზე წაიყვანა, სადაც ყელის არეში დანით ჭრილობები მიაყენა. მიღებული დაზიანებების შედეგად ნ.ღ. გარდაიცვალა.

დანაშაულის ჩადენის შემდეგ, ზ.კ. ქ.ჩ.-სთან სახლში დაბრუნდა. გამოძიებით დადგინდა, რომ ქ.ჩ.-მ შეიტყო ზ.კ. -ს მიერ მისი მეუღლის მკვლელობის შესახებ, თუმცა სამართალდამცველებს არ შეატყობინა. ამასთან, ქ.ჩ.-მ დანაშაულის დაფარვის მიზნით, ავტომანქანის სალონში სისხლის კვალი წაშალა.

სამართალდამცველებმა ქ.ჩ. 28 აპრილს, მოსამართლის განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 375-ე მუხლის მე-3 ნაწილით (განსაკუთრებით მძიმე დანაშაულის წინასწარ შეუპირებლად დაფარვა) წარედგინა, რაც სასჯელის სახედ და ზომად 2-დან 6-წლამდე თავისუფლების აღკვეთას ითვალისწინებს.

პროკურატურა ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს. სისხლის სამართლის საქმეზე გამოძიება გრძელდება.

შეგახსენებთ, 14 მარტს 33 წლის ნოდარ ღუნაშვილის ცხედარი კასპის სასაფლაოზე იპოვეს.ას ყელი ჰქონდა გამოჭრილი. მომხდართან დაკავშირებით სამართალდამცველებმა ერთი პირი, კერძოდ მოკლულის მეზობელი დააკავეს.

გარდაცვლილი ნოდარ ღუნაშვილის ოჯახი კი აცხადებს, რომ მოკლულის მეუღლე, ქეთი ჩხაიძე დანაშაულის უშუალო მონაწილეა, მათი ინფორმაციით, ქალმა ქმარი მოკლა და გვამი გადამალა.

ღუნაშვილის მეუღლე მომხდარიდან თითქმის ერთი თვის შემდეგ სამართალდამცველებმა დანაშაულის დამალვის ბრალდებით თბილისში, მშობლების კუთვნილ ბინაში დააკავეს. ის ამ დროისთვის უკვე გადაყვანილია გორის წინასწარი დაკავების იზოლატორიში. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system