საბედისწერო ღამის იუბილარი ანი გაბეჩავა მედიასთან კომუნიკაციას ამყარებს. მისი კომენტარები საქმის ირგვლივ და სხვა დეტალები, ჟურნალისტმა ელისო კილაძემ ,,ფორმულას" ეთერში გაასაჯაროვა, რომელიც ანი გაბეჩავას პირადად შეხვდა და ესაუბრა.
„შაქარაშვილს არ ვიცნობდი კარგად. მყავდა სამი-ოთხჯერ ნანახი, ჩემი მეგობრის მეგობარი იყო. არანაირი სიმპათია არ გვქონდა ერთმანეთის მიმართ", - მისწერა ანი გაბეჩავამ ელისო კილაძეს.
ამასთან, როგორც კილაძემ განაცხადა, ანი გაბეჩავასთან მიმოწერისა და შეხვედრის შემდეგ გაარკვია, რომ გაბეჩავა ვახო ჩიქოვანს არ იცნობდა და ის არც წვეულებაზე ყოფილა დაპატიჟებული.
,,რაც შეეხება ვახო ჩიქოვანს, აღმოჩნდა, რომ ანი საერთოდ არ იცნობს ვახო ჩიქოვანს და არც იყო დაპატიჟებული დაბადების დღეზეო", – განაცხადა კილაძემ.
