თბილისის საქალაქო სასამართლომ “გირჩის” ლიდერი ზურაბ ჯაფარიძე ადმინისტრაციულ სამართალდამრღვევად ცნო და 2000-ლარიანი ჯარიმა დააკისრა.
გადაწყვეტილება მოსამართლე ვალერიანე ფილიშვილმა მიიღო.
ცნობისთვის, ზურაბ ჯაფარიძე 18 ნოემბერს აქციის დაშლისას დააკავეს.
გამოძიება მას წვრილმან ხულიგნობასა და სამართალდამცველისადმი დაუმორჩილებლობას ედავებოდა, რაც 15 დღით თავისუფლების აღკვეთას ან ფინანსურ სანქციას გულისხმობს.
