გიორგი შაქარაშვილის საქმეზე დაკავებული 6 არასრულწლოვნის განაჩენი ცნობილია.
მცხეთის რაიონულმა სასამართლომ, დღევანდელ პროცესზე, ფეხბურთელ შაქარაშვილის საქმეზე დაკავებული პირები - ზ.ხ., აკაკი ქვრივიშვილი, ნიკოლოზ ცუცქირიძე, ლაშა შერმადინი, გიორგი მერაბიშვილი და ნიკოლოზ ქანაშვილი, დამნაშავედ სცნო და პატიმრობაში დატოვა.
გამოძიება დაკავებულებს ძალადობას, ძალადობის ორგანიზებას და მასში მონაწილეობას ედავება.
პროკურორის ინფორმაციით, აღნიშნულ საქმეზე 55-მდე მოწმე დაიკითხა.
შაქარაშვილის საქმეზე დაკავებული 11 სრულწლოვნის საქმე, ცალკე წარმოებად არის გამოყოფილი.