შშმ პირის გაუპატიურებაში ბრალდებულ 65 წლის ფრიდონ ქანთარიას აღკვეთის ღონისძიების სახით პატიმრობა შეეფარდა. გადაწყვეტილება ზუგდიდის რაიონულმა სასამართლომ მიიღო. მოსამართლემ სრულად დააკმაყოფილა პროკურორის შუამდგომლობა აღკვეთის ღონისძიებად პატიმრობის გამოყენებასთან დაკავშირებით.
სავარაუდო მსხვერპლის და ბრალდებულის ახლობლების დაპირისპირების თავიდან არიდების მიზნით პოლიციამ პრევენციული ღონისძიებები გაატარა. ადმინისტრაციული წესით დაკავებულია 3 პირი.
