შინაგან საქმეთა სამინისტრომ ლაშა ბექაურის საქმის დეტალები გაასაჯაროვა. ოფიციალური მონაცემების მიხედვით, საქმე ადმინისტრაციულ სამართალდარღვევათა კოდექსის 173-ე და 166-ე მუხლებით კვალიფიცირდა, რაც სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობასა და ხულიგნობას გულისხმობს.
„მოგვიანებით ბექაური სამართალდამცველებმა ხელწერილის საფუძველზე გაათავისუფლეს“, - აცხადებენ შსს-ში.
სპორტსმენმა რამდენიმე საათის წინ სოციალურ ქსელში დაწერა პოსტი, სადაც ის პოლიციელებს ცემაში ადანაშაულებს.
