გიორგი შაქარაშვილის საქმეზე გამოკითხვები შინაგან საქმეთა სამინისტროში გვიან ღამემდე გაგრძელდა.
ვახო ახვლედიანის გამოკითხვა 7 საათის განმავლობაში მიმდინარეობდა და მან უწყება ყველაზე გვიან დატოვა.
როგორც ადვოკატმა კახა წერეთელმა განაცხადა, იყო დამატებითი კითხვები, თუმცა კონკრეტულად რასთან დაკავშირებით, ამაზე არ საუბრობს.
,,დაისვა სხვადასხვა შეკითხვა, დაზუსტდა გარკვეული გარემოებები. აღვნიშნავ, რომ ვახტანგ ახვლედიანი დამატებით გამოკითხვაზე იმყოფებოდა დეტალების დასაზუსტებლად",- განაცხადა ადვოკატმა.
