თავში

სხვისი ქონების მოტყუებით დაუფლების ფაქტზე 2 პირი დააკავეს

სხვისი ქონების მოტყუებით დაუფლების ფაქტზე 2 პირი დააკავეს
სხვისი ქონების მოტყუებით დაუფლების ფაქტზე 2 პირი დააკავეს

წინასწარი შეთანხმებით ჯგუფის მიერ, დიდი ოდენობით სხვისი ქონების მოტყუებით დაუფლების ფაქტზე 2 პირი დააკავეს. ამის შესახებ ინფორმაციას საგამოძიებო სამსახური ავრცელებს.

მათივე ცნობით, გამოძიებით დადგინდა, რომ ბრალდებულებმა, სხვისი ქონების მართლსაწინააღმდეგო მისაკუთრების მიზნით, ყალბი მინდობილობის საფუძველზე, მიმდინარე წლის 12 ნოემბერს, დაირეგისტრირეს თბილისში, საბურთალოს რაიონში არსებული, უცხო ქვეყნის მოქალაქის სახელზე რიცხული 5 528 მ2 მიწის ნაკვეთი, რომელიც 16 ნოემბერს გაასხვისეს 142 000 აშშ დოლარის საფასურად.

,,საგამოძიებო მოქმედებების შედეგად, ამოღებულია დანაშაულებრივი გზით მოპოვებული თანხის ნაწილი და ამავე გზით მიღებული თანხით შეძენილი ავტოსატრანსპორტო საშუალება. ერთ-ერთი ბრალდებულის საცხოვრებელი სახლის ჩხრეკისას ამოღებულია შპრიცები და თეთრი ფერის ფხვნილი, რომელიც სავარაუდოდ წარმოადგენს ნარკოტიკულ ნივთიერებას.

საგამოძიებო სამსახურის თანამშრომლების მიერ გრძელდება შესაბამისი ღონისძიებები აღნიშნულ დანაშაულში შემჩნეული სხვა პირების დადგენა-მხილების მიზნით", - აღნიშნულია ინფორმაციაში.

უწყების ცნობით, გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system