ქუთაისის ცენტრში სროლა იყო.
ჭავჭავაძის გამზირზე თვითმხილველებმა ჯერ ჩხუბის ხმა გაიგეს, რასაც რამდენიმე გასროლა მოჰყვა.
სავარაუდოდ, დაშავდა ერთი ადამიანი. ადგილზე საგამოძიებო მოქმედებები ამ წუთებშიც მიმდინარეობს.
როგორც შინაგან საქმეთა სამინისტროში report.ge-ს განუცხადეს, ფაქტზე გამოძიება სისხლის სამართლის კოდექსის 236-ე და 117-ე მუხლებით დაიწყო, რაც სხეულის განზრახ მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
მომხდართან დაკავშირებით დამატებითი დეტალები უცნობია.
