სტრასბურგის სასამართლო მიხეილ სააკაშვილის საქმესთან დაკავშირებით ინფორმაციას ავრცელებს.
პრეს-რელიზში ნათქვამია, რომ ადამიანის უფლებათა ევროპულმა სასამართლომ გადაწყვიტა დროებითი ზომების მითითება საქმეში "სააკაშვილი საქართველოს წინააღმდეგ", მომჩივნის ჯანმრთელობის მდგომარეობასთან დაკავშირებით და მოსთხოვა საქართველოს ხელისუფლებას, შეადგინოს კონკრეტული გეგმა მიხეილ სააკაშვილის მკურნალობასთან დაკავშირებით.
"სასამართლომ მოითხოვა, რომ მთავრობამ აცნობოს მისი ამჟამინდელი ჯანმრთელობის მდგომარეობის შესახებ, უზრუნველყოს მისი უსაფრთხოება ციხეში და უზრუნველყოს მისთვის შესაბამისი სამედიცინო დახმარება", - აღნიშნულია პრეს-რელიზში.
სასამართლო ასევე განმარტავს, რომ რეგლამენტის 39-ე მუხლის თანახმად, შეუძლია დროებითი ზომები მიუთითოს ადამიანის უფლებათა ევროპული კონვენციის მონაწილე სახელმწიფოს.
"დროებითი ზომები არის გადაუდებელი ზომები, რომლებიც, სასამართლოს კარგად დამკვიდრებული პრაქტიკის მიხედვით, გამოიყენება მხოლოდ მაშინ, როდესაც არსებობს გამოუსწორებელი ზიანის გარდაუვალი რისკი. დროებითი (შუალედური) ზომები არის გადაუდებელი ზომები, რომლებიც, სასამართლოს კარგად დამკვიდრებული პრაქტიკის მიხედვით, გამოიყენება მხოლოდ მაშინ, როდესაც არსებობს გამოუსწორებელი ზიანის გარდაუვალი რისკი", - ნათქვამია პრეს-რელიზში.
"მან ასევე შესთავაზა მხარეებს წარმოედგინათ არგუმენტები ამ დროებით ზომებთან დაკავშირებით ორი კვირის ვადაში - 24 ნოემბრამდე. სასამართლომ ასევე გადაწყვიტა საქმისთვის პრიორიტეტი მიენიჭებინა 41-ე წესის შესაბამისად," - აღნიშნულია სასამართლოს პრესრელიზში.
