მამაკაცი, რომელმაც ტაქსის მძღოლს მგზავრობის საფასური არ გადაუხადა 500 ლარით დააჯარიმეს. გადაწყვეტილება ბათუმის საქალაქო სასამართლომ მიიღო. საქმის მასალების მიხედვით ტაქსი ორმა პირმა ბათუმში დაიქირავა და ქობულეთის ერთ-ერთ სოფლამდე იმგზავრა. ერთ-ერთ მგზავრს მთელი გზა ეძინა. ბრალდებული კი რომელიც ფხიზელ მდგომარეობაში იყო მძღოლს 30 ლარზე შეუთანხმდა. ადგილზე მისულებმა მძღოლს უთხრეს, რომ თანხას გამოუტანდნენ სახლიდან. თუმცა ისინი აღარ გამოჩენილან.
ბრალდებულები სსკ-ის 185-ე მუხლის მიხედვით გაასამართლეს, რაც გულისხმობს „ქონებრივ დაზიანებას მოტყუებით“. მეორე პირს რომელიც ასევე ტაქსიში იჯდა სასჯელი არ დაეკისრა, ვინაიდან ის არაფხიზელ მდგომარეობაში იყო და მას მთელი გზა ეძინა.
