ისნის საოლქო საარჩევნო კომისიის თავმჯდომარის, თედო გობეჯიშვილის გარდაცვალების ფაქტზე დაკავებულებს, აკაკი ხუსკივაძესა და აკაკი კობალაძეს აღკვეთის ღონისძიების სახით პატიმრობა შეეფარდათ.
გადაწყვეტილება თბილისის საქალაქო სასამათლოს მოსამართლე არსენ კალატოზიშვილმა მიიღო.
ბრალდების მხარე დაკავებულებისთვის პატიმრობის შეფარდებას, დაცვის მხარე კი გირაოს გამოყენებას ითხოვდა.
ცნობისთვის, პროკურატურამ ხუსკივაძესა და კობალაძეს ბრალდება დღეს ოფიციალურად წარუდგინა.
