წყალტუბოში, სკოლასთან მომხდარ ინციდენტში მონაწილე პირი პოლიციაში გამოკითხვაზე მივიდა.
დავით ბენიძე წყალტუბის რაიონულ განყოფილებაში ადვოკატთან ერთად გამოცხადდა.
როგორც უფლებადამცველი ამბობს, მისი დაცვის ქვეშ მყოფი მზადაა გამოძიებასთან ითანამშრომლოს.
გავრცელებული ინფორმაციით, 20 წლის ბიჭმა მეთორმეტეკლასელი დაჭრა.
არსებული ინფორმაციით, არასრულწლოვანი ამბობს, რომ დაზიანება წაქცევის შედეგად მიიღო.
როგორც report.ge-ს შინაგან საქმეთა სამინისტროში განუცხადეს, ფაქტზე გამოძიება 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.
