ჩილეს პრეზიდენტი სებასტიან პინიერა $3 500 აშშ დოლარით დააჯარიმეს. ამის მიზეზი ინტერნეტში გავრცელებული ფოტოა, სადაც ის პირბადის გარეშეა გადაღებული.
ქვეყანაში კორონავირუსის პანდემიის გამო მკაცრი შეზღუდვებია შემოღებული. ჩილეს ყველა მცხოვრები ვალდებულია საზოგადოებრივი თავშეყრის ადგილებში პირბადე ატაროს. ამ წესის დარღვევისათვის გათვალისწინებულია ფულადი სანქციები და პატიმრობაც კი.
პინიერამ საჯაროდ მოიხადა ბოდიში წესის დარღვევისათვის და განმარტა, რომ სანაპიროზე ძაღლს მოქალაქეებისგან მოშორებით ასეირნებდა. თუმცა, მას შემოხვდა ქალი რომელმაც იცნო და ფოტოს გადაღება სთხოვა.
სელფიზე კარგად ჩანს, რომ პრეზიდენტი და მოქალაქე ერთმანეთთან ახლოს დგანან და არცერთს უკეთია შესაბამისი დამცავი აღჭურვილობა.
