ლედი გაგა სცენიდან გადავარდა. ოსკაროსანი მომღერალი ლას-ვეგასში კონცერტს მართავდა, როდესაც სცენაზე თაყვანისმცემელი აიყვნა და მასთან შესრულებული ცეკვის დროს სცენიდან გადმოვარდა.
ამის მიუხედავად, პოპვარსკვლავს კონცერტი არ შეუწყვეტია და სცენაზე ცეკვა ისე გააგრძელა, თითქოს, არც არაფერი მომხდარა. მან თავის თაყვანისმცემელს, რომელთან ერთადაც სცენიდან გადავარდა, საჯაროდ მიმართა:
"არ ინერვიულო, ყველაფერი კარგადაა. ეს შენი ბრალი არ ყოფილა. დამპირდი, რომ ამის გამო შენს თავს არ დაადანაშაულებ."
კონცერტის დასრულების შემდეგ ლედი გაგამ ინსტაგრამზე ფოტო გამოაქვეყნა, სადაც ჩანს, თუ როგორ იღებს ყინულის აბაზანებს.
თამთა კაპანაძე
ავტორი