“კაფე გალერის” დამფუძნებლის, გალერისტისა და მხატვრის - სანდრო ანთაძის ცხოვრება, უკანასკნელი 10 წლის განმავლობაში, დაკავშირებული იყო საკლუბო საქმიანობასთან. ახლა კი, ლოქდაუნის პერიოდში, დაკეტილ კლუბში ხატვას დაუბრუნდა და პანდემიის გამო დახურული “კაფე გალერის” გადარჩენას ნახატების შექმნით ცდილობს. “გაღიმებული ძროხა” იყო პირველი ნახატი, რომელიც 90-იან წლებში სანდრო ანთაძემ მეგობარს დაბადების დღეზე აჩუქა. “ხუმრობით დაწყებული საქმიანობა”- ასე უწოდებს მხატვრობას, რამაც ხელოვანის ცხოვრებაში ძალიან დიდი როლი ითამაშა. report.ge-ის ვიდეოში უკეთ გაიცნობთ სანდრო ანთაძეს და მის შემოქმედებას.
