63 წლის გიორგი (ჟორა) ბიჯამოვი თბილისის ერთ-ერთი უკანასკნელი მოჰიკანია. ფეხსაცმლის წმენდა მის ოჯახში თაობიდან თაობას გადაეცემოდა და უკვე 40 წელზე მეტი ამ ხელობითაა დაკავებული.
ფეხსაცმლის მწმენდავთა კოლორიტულ კოჰორტას თბილისში მხოლოდ ოთხი ადამიანი შემორჩა.
ახლა ყველას “ბოტასები” აცვია და ჩვენ ვიღას ვსჭირდებითო, - ამბობს ჟორა და თვლის, ფეხსაცმლის გაწმენდა პრესტიჟული აღარაა. თუმცა, მაინც ყოველდღე, დილიდან საღამომდე, ელოდება კლიენტს, რომელსაც, ფეხსაცმლის წმენდასთან ერთად, თბილისურ ამბებსაც მოუყვება.
