"უახლოესი მეგობრებიც ვერ ბედავდნენ, რომ ბავშვის დაბადება მოელოცათ, ეს იყო მძიმე და არა ის, რომ თეო დამატებითი ქრომოსომით დაიბადა" - ამბობს ლია ტაბატაძე. ლია თეოს და დათოს დედაა. თეო 11 წლისაა და მას ერთი ქრომოსომით მეტი აქვს.
“დედობრივი სიყვარულის წარმოუდგენელმა ძალამ ბევრი რამ შემაძლებინა”- და ასე გადაწყვიტა, რომ ბევრ შრომასთან და სწავლასთან ერთად თეოს შესახებ ინფორმაცია სხვებისთვისაც გაეზიარებინა. ლიამ დააფუძნა დაუნის სინდრომის ასოციაცია,რომელიც დღეს 600-მდე ოჯახს აერთიანებს.
“ყველა ბავშვმა უნდა იცოდეს, რომ დედას ძალიან უყვარს და რაც არ უნდა მოხდეს თავისი შვილის გვერდით იქნება”.
Report.ge-ს ვიდეოში ლიას დათუნას და თეოს ოჯახის შესახებ უფრო მეტს გაიგებთ
