სანდრო ფოფხაძე ,იგივე DRO - თავზეხელაღებული სკეიტერი, რომელიც ჰიპ-ჰოპამდე ყველაზე ფათერაკიანი გატაცებიდან მივიდა. ამბობს, რომ თითქმის ყველა ადამიანი, რომელმაც მის მუსიკალურ კარიერაზე გავლენა იქონია, სკეიტბორდის დამსახურებით გაიცნო. სანდროსთვისაც, ისევე როგორც ასი ათასობით „ამბოხებული“ თინეიჯერისთვის სკეიტბორდის ფილოსოფია საკუთარი თავის პოვნა და თავისუფლების მოპოვება იყო, დღეს ის თავის მუსიკას, სკეიტზე დგომისას, ჭარბად გამომუშავებულ ადრენალინს უკავშირებს. სანდრო ფოფხაძე ახლა თავის პირველ ალბომზე მუშაობს. ამბობს, რომ მთავარი ბედნიერება თავისუფლების თუნდაც ხანმოკლე მომენტების პოვნაა, ეს მომენტი კი მისთვის, მისივე თქმით, მუსიკის წერის დროს დგება.
