სოციალურ ქსელში შვლის ნუკრის ვიდეო ვრცელდება, რომელმაც ათასობით მომხმარებლის გული დაიპყრო. ვიდეოს ფეისბუქის საკუთარ გვერდზე თემო ფერხული აზიარებს. კადრებში ჩანს, როგორ დახტის გზააბნეული ნუკრი სიმინდის ყანაში და არც ადამიანებს უფრთხის.
ვიდეოს ათასობით მომხმარებელი აზიარებს. როგორც კომენტარებიდან ირკვევა, კადრები, ვიდეო თემო ფერხულმა სლოვაკეთში გადაიღო.
,,მარტო არ იყო, დედამისმა რომ დაგვინახა გაიქცა და შორიდან გვიყურებდა", - პასუხობს ფერხული კომენტარებს.
მისივე თქმით, პატარა შვლის ნუკრი დედას დაუბრუნდა.
