მკვლევარებმა ავოკადოში აღმოაჩინეს ნივთიერება, რომელიც თრგუნავს ფერმენტს, რომელიც ხელს უწყობს ლეიკემიის კიბოს უჯრედების ზრდას.
მეცნიერები იმედოვნებენ, რომ მათი აღმოჩენა ხელს შეუწყობს სისხლის კიბოს წინააღმდეგ წამლის შემუშავებას.
მწვავე მიელოიდური ლეიკემია (AML) არის ლეიკემიის ყველაზე დესტრუქციული ფორმა. უმეტეს შემთხვევაში, დაავადება გვხვდება 65 წელს გადაცილებულ ადამიანებში და პაციენტთა ათ პროცენტზე ნაკლები დიაგნოზის დასმიდან ხუთი წლის შემდეგ ცოცხალია.
ჩვეულებრივ, ასეთ პაციენტებს მხოლოდ პალიატიური მზრუნველობა უტარდებათ, ნაკლებად ხშირად ტარდება ქიმიოთერაპია. მაგრამ ამ შემთხვევაში გამოყენებული წამლები ტოქსიკურია და ამან შეიძლება გამოიწვიოს პაციენტების სიკვდილი. ამიტომ, მეცნიერები ცდილობენ, იპოვონ ნაკლებად საშიში ნივთიერებები ან ნაერთები, რომელთა საშუალებითაც შეიძლება ლეიკემიასთან ბრძოლა.
მკვლევარების აზრით, ლეიკემიური უჯრედები შეიცავს დიდი რაოდენობით ფერმენტს VLCAD, რომელიც მათ მეტაბოლიზმში მონაწილეობს, ამიტომ ისინი ეძებდნენ ნივთიერებას, რომელსაც შეეძლო ამ ფერმენტის ჩახშობა.
"კიბოს უჯრედი გადარჩენისთვის ეყრდნობა ამ ფერმენტს. ჩვენ დავადგინეთ, რომ ფერმენტი VLCAD არის, როგორც კიბოს სამიზნე", - განმარტეს მეცნიერებმა.
მის თვისებებში საუკეთესო იყო ნივთიერება avocatin B, ცხიმების კლასის მოლეკულა, რომელიც გვხვდება მხოლოდ ავოკადოში. ადრე მეცნიერები ვარაუდობდნენ, რომ avocatin B გამოიყენებოდა დიაბეტის პროფილაქტიკისა და ჭარბწონიანობის წინააღმდეგ ბრძოლაში. ახლა მათ აჩვენეს, რომ ნაერთი მიზნად ისახავს ფერმენტს, რომელიც კრიტიკულია კიბოს უჯრედების ზრდისთვის.
მეცნიერები იმედოვნებენ, რომ მალე შეძლებენ გამოკვლევების ჩატარებას B avocatin-ით სისხლის კიბოს სამკურნალოდ.
